Қазақстан Республикасы Ауыл шаруашылығы министрлігі Ветеринариялық бақылау және қадағалау комитеті «Ветеринария бойынша ұлттық референттік орталық» РМК ұжымы Бақытбек Болғанбекұлы Кентбаевтың 63 жасқа толу мерейтойымен үлкен қуанышпен құттықтады. Бұл күн ерекше сәттерге толы болды: мерейтой иесіне Қазақстан Республикасы «Ауыл шаруашылығы ардагерлер Кеңесі» Қоғамдық бірлестігінің «Құрметті ардагер» төсбелгісімен, сондай-ақ Кәсіподақ ұйымының төрағасы Е. Каппельдің және мекеменің бас директоры М. Бердіқұловтың құттықтау хаттарымен марапатталды. Ауыл шаруашылық саласында 40 жылдан аса уақыт еңбек еткен, оның 11 жылдан аса уақытында осы мекеменің «Жануарлар ауруын диагностикалау» зертханасының, эпизоотиялық мониторинг бөлімінің маманы ретінде атқарған бірнеше жылғы баға жетпес үлесі бағаланды.
Бақытбек Болғанбекұлы Кентбаев өзінің мансабы барысында көптеген марапаттарға соның ішінде 2021 жылы «Ауыл шаруашылығының үздігі» төс белгісімен және 2019 жылы кәсіподақ ұйымының 3 дәрежелі «Даңқ» төсбелгілерімен және т.б. марапатталған. Бұл жетістіктер мен көпжылдық жұмыс баршамызға мақтаныш пен үлгі болып табылады.
Бұл күні кәсібилік пен адалдықтың қаншалықты маңызды екендігі атап өтілді. Бақытбек Болғанбекұлы Кентбаев жаңа буын мамандар үшін үлгі болып табылады. Алда тек қуанышты жаңалықтар мен тәжірибелі мамандар қатары көп болсын!
