Қазақстандағы жергілікті денсаулық сақтау жүйесінің тұрақтылығын қамтамасыз ету (LHSS) жобасы аясында Германияда өткен оқыту сапарына ҚР АШМ «Ветеринария бойынша ұлттық референттік орталық» ШЖҚ РМК серология бөлімінің маманының қатысуы.
2024 жылғы 8-20 қыркүйек аралығында Қазақстан Республикасы Ауыл шаруашылығы министрлігінің Ветеринария бойынша ұлттық референттік орталық Диагностикалық ауруларды диагностикалау зертханасының серология бөлімінің маманы А. Касеналина Германияның Гаутинг қаласында орналасқан «Alte Rathelogie» микробиология және зертханалық медицина институтында оқыту сапарына қатысты. Сапар Қазақстандағы жергілікті денсаулық сақтау жүйесінің тұрақтылығын қамтамасыз ету (LHSS) жобасы аясында ұйымдастырылды.
Сапардың негізгі мақсаты — елдің денсаулық сақтау жүйесі мен төтенше жағдайларға ден қою құрылымдары аясында «Біртұтас денсаулық» тәсілін енгізу, сондай-ақ ғаламдық денсаулық қауіпсіздігін арттыру мен сектораралық диалогты дамыту. Қатысушылар зертханаларды басқару әдістерімен, сапаны қамтамасыз ету жүйелерімен, үлгілердің логистикасымен және медициналық, зертханалық деректерді басқарудың электрондық жүйелерімен танысты.
«Біртұтас денсаулық» тәсілін енгізу бойынша халықаралық семинарға қатысу тәжірибе алмасуға және зертханалық зерттеулердің биологиялық қауіпсіздігі саласында жаңа білім алуға мүмкіндік берді. Лабораториялық қызметтердің сапасын жақсарту әдістері, қателіктер мен сәйкессіздіктерді шешу тәсілдері, сондай-ақ сапа менеджменті жүйелері қарастырылды.
Семинар сонымен қатар ауыл шаруашылығы, денсаулық сақтау, қоршаған ортаны қорғау және ветеринарлық қызметтерді қоса алғанда, әртүрлі секторлар арасындағы ынтымақтастықты нығайтуға мүмкіндік берді, бұл болашақ пандемиялардың алдын алуға дайындықты арттыруға ықпал етеді.
