2026 жылы «Ветеринария бойынша ұлттық референттік орталық» ШЖҚ РМК (ВҰРО) жұқпалы ауруларды диагностикалау зертханасы құтыру вирусын диагностикалау бойынша халықаралық зертханааралық салыстырмалы сынақтарға (ХЗСС) қатысты.
Сынақтарды Біріккен Ұлттар Ұйымының Азық-түлік және ауыл шаруашылығы ұйымының (ФАО) қаржылық және логистикалық қолдауымен Дүниежүзілік жануарлар денсаулығы ұйымының (WOAH) құтыру бойынша референттік зертханасы — Италияның Венеция эксперименттік зоопрофилактикалық институты (Istituto Zooprofilattico Sperimentale delle Venezie, IZSVe) ұйымдастырды.
Халықаралық зертханааралық салыстырмалы сынақтар шеңберінде ВҰРО мамандары құтыруды зертханалық диагностикалаудың екі әдісін қолдана отырып зерттеулер жүргізді: нақты уақыт режиміндегі полимеразды тізбекті реакция (Real-time PCR) және диагностикалық антирабиялық флуоресцентті иммуноглобулинді (ДАФИ) қолдану арқылы иммунофлуоресценттік микроскопия (ИФМ) әдісі.
Халықаралық зертханааралық салыстырмалы сынақтарды ұйымдастырушыдан жүргізілген зерттеулердің бағалау нәтижелерін, ВҰРО зертханасының жұмысына берілген оң пікірлерді, сондай-ақ құтыруды зертханалық диагностикалау әдістерін одан әрі жетілдіру жөніндегі ұсынымдарды қамтитын қорытынды есепті алды.
Халықаралық зертханааралық салыстырмалы сынақтарға қатысу зертханалық зерттеулер сапасын тәуелсіз бағалауға, диагностикалық нәтижелердің сенімділігін арттыруға, мамандардың кәсіби құзыреттілігін жетілдіруге және жануарлардың аса қауіпті ауруларын диагностикалау саласындағы ВҰРО-ның халықаралық ынтымақтастығын нығайтуға ықпал етеді.