2025 жылдың 27-28 наурызында Шығыс Қазақстан облысы, Шемонаиха қаласында, ұсақ күйісті малдардың обасы (бұдан әрі – ҰКМО) ауруы пайда болған жағдайда әрекет ету дайындығын бағалауға бағытталған симуляциялық оқу-жаттығулар өткізілді. Оқу-жаттығуға ҚР АШМ ВБжҚК «Ветеринария бойынша ұлттық референттік орталық» ШЖҚ РМК, Жұқпалы ауруларды диагностикалау зертханасының эпизоотиялық мониторинг бөлімінің бас маманы К. Ишжанов қатысты.
Жаттығулардың мақсаты — барлық ветеринариялық қызметтер мен тиісті ұйымдардың ҰКМО ошақтарының пайда болуына байланысты іс-қимылдарға дайындықты тексеру. Сонымен қатар, ерекше назар координацияға, түрлі қызметтердің іс-қимылдарын үйлестіруге, сондай-ақ диагностикалық және профилактикалық шараларды дұрыс ұйымдастыруға аударылды.
Жаттығулар барысында ҰКМО ауруының белгілері туралы қатысушылардың хабардарлық деңгейі тексерілді. Ветеринарлық мамандар аурудың клиникалық белгілері мен аурудың әр түрлі кезеңдерінде диагностика жүргізу әдістерін көрсетті.
Жаттығулар барысында ветеринарлық қызметтер алғашқы ауру белгілерін анықтап, оқиға орнына барып, тексерулер мен сынамалар алу үшін жедел әрекет етті, сондай-ақ инфекцияның ошақтарын оқшаулау шараларын қабылдады. Жаттығуларға қатысушылар алдын ала дайындалған іс-қимыл жоспарына сәйкес тиімді әрекет етті.
Жаттығулардың маңызды элементтерінің бірі әр түрлі мемлекеттік және төтенше қызметтер арасындағы: оның ішінде ветеринарлық қызмет, ТЖМ, санитарлық-эпидемиологиялық қызмет және жергілікті билік органдары өзара қарым-қатынас болды. Жаттығулар барысында барлық қатысушылар арасындағы іс-қимылдардың үйлестірілуі мен ақпарат алмасудың тиімділігі тексерілді.
Айрықша назар аурудың анықталған аймағында карантинді жедел ұйымдастыруға аударылды. Ауру жануарларды оқшаулау, өлекселерді жою және залалданған аумақты дезинфекциялау шаралары жүргізілді.
Жаттығулар барлық қызметтердің іс-қимылдары мен үйлесімділігінің эпизоотикалық қауіп-қатерлерге тиімді жауап беру үшін шешуші рөл атқаратынын көрсетті. Жаттығулар барысында анықталған кемшіліктер жүйені жетілдіруге және инфекциялық аурулармен күресудің тиімділігін арттыруға мүмкіндік береді.
