2025 жылдың 18 қыркүйегінде БҰҰ Азық-түлік және ауыл шаруашылығы ұйымының (ФАО) өкілдері қой мен ешкінің шешегіне қарсы күресті техникалық қолдау және ветеринариялық бақылауды нығайту жөніндегі миссия шеңберінде «Ветеринария бойынша ұлттық референттік орталық» (ВҰРО) ШЖҚ РМК-ға іс-сапармен келді. Құрамына Еуропа мен Орталық Азиядағы ФАО аймақтық кеңсесінің сарапшылары — доктор Raizman Eran Akiva, доктор Munstermann Anne-Susanne және доктор Чарыпхан Дүрия Нұрсадыққызы кіретін ФАО делегациясы елдегі қой мен ешкінің шешегіне қарсы күрес стратегиясын жақсартуға бағытталған бірқатар негізгі іс-шараларға қатысты. Сапардың маңызды міндеттерінің бірі орталық мамандарымен қой мен ешкінің шешегін диагностикалаудың заманауи әдістерін, сондай-ақ қазіргі заманғы тәжірибені жақсарту мүмкіндіктерін талқылау болды. ФАО сарапшылары қазіргі заманғы молекулалық-биологиялық және серологиялық диагностикалау әдістеріне назар аудара отырып, консультациялар өткізді. Зертханалық диагностика саласындағы жаңа жетістіктерге және ветеринариялық практикаға инновациялық технологияларды енгізуге ерекше назар аударылды. Кеңестің маңызды аспектісі қой мен ешкінің шешегіне қарсы күрестегі халықаралық ынтымақтастықты талқылау және зертхана мамандарын ДЖДСҰ ұсынылған зерттеу әдістеріне оқытуды, вакциналардың сапасын тексеруді және диагностикалық тест-жүйелерді ұсыну болды. Қатысушылар әртүрлі елдердің табысты тәжірибелерімен бөлісті, бұл серіктестік байланыстарды нығайтуға және құнды тәжірибе алмасуға ықпал етті. ФАО аймақтық кеңсесінің сарапшылары ВҰРО қызметкерлерінің мүмкіндіктері мен біліктілігін жоғары бағалады.
