2024 жылдың 12 қарашасында ҚР ВБжҚК «Ветеринария бойынша ұлттық референттік орталық» РМК-да Қазақстан Республикасы Парламенті Сенатының өкілдері мен ҚР Ауыл шаруашылығы вице-министрі Бердалин Аманғали Бисенбайұлы, сондай-ақ Ветеринариялық бақылау және қадағалау комитетінің төрағасы Ташимов Казбек Қазиханұлы арнайы сапармен болды.
Бұл шара «Азық-түлік қауіпсіздігі – ұлттық қауіпсіздіктің негізі» атты парламенттік тыңдауларға дайындық аясында Аграрлық мәселелер және ауылдық аумақтарды дамыту жөніндегі комитеттің жоспарымен жүзеге асырылды. Сенат депутаттары мен министрлік өкілдері орталықтың еліміздегі азық-түлік қауіпсіздігін нығайтудағы және аграрлық саланы қолдаудағы маңыздылығын ерекше атап өтті.
Кездесу барысында эпизоотиялық жағдайды бақылау және ауыл шаруашылығы өнімдерінің қауіпсіздігін қамтамасыз ету бойынша орталықтың атқарып жатқан стратегиялық қызметтері талқыланды. Мұндай кездесулер аграрлық сектордағы өзекті мәселелерді терең түсінуге және азық-түлік қауіпсіздігі мен саланың тұрақты дамуына бағытталған маңызды шешімдер қабылдауға жол ашады.
